Xəbərlər

ETİHİ İsmayıllı Rayon Komitəsinin dəstəyi ilə Qaraqaya kənd ümumi orta məktəbinin müəllim və texniki heyəti Gəncə şəhərinə və Göygölə səyahət ediblər.

ETİHİ İsmayıllı Rayon Komitəsinin dəstəyi ilə Qaraqaya kənd ümumi orta məktəbinin müəllim və texniki heyəti Gəncə şəhərinə və Göygölə səyahət ediblər. 27 iyun tarixində baş tutan bu rəngarəng ekskursiya kollektivin asudə vaxtının çox maraqlı və yaddaqalan keçməsinə vəsilə olub. Təbiət qoynunda və tarixi məkanlarda unudulmaz bir gün keçirən ittifaq üzvləri bu şəraiti yaradan ETİHİ Respublika Komitəsinə təşəkkürlərini ifadə ediblər.

Hacıhətəmli kənd tam orta ümumtəhsil məktəbinin müəllim və texniki işçilərindən ibarət kollektiv üzvləri Şəki şəhərinə ekskursiyası təşkil edilmişdir.

26 iyun 2026 cı il tarixdə ETİHİ İsmayıllı Rayon Komitəsinin üzv təşkilatı Hacıhətəmli kənd tam orta ümumtəhsil məktəbinin müəllim və texniki işçilərindən ibarət kollektiv üzvləri ETİHİ Rayon Komitəsinin dəstəyi ilə asudə vaxtını və istirahətini səmərəli təşkil etmək məqsədilə Şəki şəhərinə ekskursiyası təşkil edilmişdir. Şəki yaylası istirahət məkanında gözəl bir gün keçirən ittifaq üzvləri göstərilən bu dəstəyə görə Elm və Təhsil İşçiləri Həmkarlar İttifaqı Respublika Komitəsinə öz minnətdarlıqlarını bildirdilər.

1 nömrəli tam orta məktəbin kollektiv üzvləri asudə vaxtını və istirahətini səmərəli təşkil etmək məqsədilə ETİHİ Rayon Komitəsinin dəstəyilə Şəki , Qax rayonlarının tarixi yerlərinə ekskursiyası təşkil olunmuşdur.

ETİHİ İsmayıllı Rayon Komitəsinin üzv təşkilatı İ.Həsənov adına İsmayıllı şəhər 1 nömrəli tam orta məktəbin kollektiv üzvləri asudə vaxtını və istirahətini səmərəli təşkil etmək məqsədilə ETİHİ Rayon Komitəsinin dəstəyilə Şəki , Qax rayonlarının tarixi yerlərinə  ekskursiyası təşkil olunmuşdur. İttifaq üzvləri hər iki rayonun tarixi yerlərini ziyarət etmiş, təbiətin bəxş elədiyi gözəllikləri seyr edərək mənalı istirahət etmişlər. Dərs ilinin sonunda təşkil olunmuş bu gəzintidən məmnun olan kollektiv üzvləri Elm və Təhsil İşçiləri Həmkarlar İttifaqı Respublika Komitəsinə bu şəraiti yaratdığına görə minnətdarlıqlarını bildirdilər.

Elm və Təhsil İşçiləri Həmkarlar İttifaqı İsmayıllı Rayon Komitəsinin üzv təşkilatlarında yubiley yaşlarının tamam olması münasibətilə tədbirlər keçirilmişdir.

Elm və Təhsil İşçiləri Həmkarlar İttifaqı İsmayıllı Rayon Komitəsinin üzv təşkilatlarında yubiley yaşlarının tamam olması münasibətilə tədbirlər keçirilmişdir. 

Tədbirlərdə Rayon Komitəsinin məclis üzvləri , ilk həmkarlar təşkilat sədrləri, kollektiv üzvləri və valideynlər iştirak etmişlər. Keyvəndi kənd tam orta məktəbin ibtidai sinif müəllimi Şıxıyev Şəfaqətin 65, Sulut kənd tam orta məktəbin Uşaq Birliyi Təşkilatının rəhbəri Əhmədova Qətibənin 60, Vəng kənd tam orta məktəbin texniki işçisi Salehova Rəfiqənin 65, Qalınçaq kənd tam orta məktəbin mühasibi Salmanov Şəfaqətin 65 yubiley yaşları təntənəli şəkildə ilk təşkilatlarda qeyd olundu, yubılyarlar haqqında xoş sözlər söylənildi, xoş istirahət arzulandı. 

Yubiley yaşı tamam olan ittifaq üzvləri ETİHİ İsmayıllı Rayon Komitəsinin fəxri fərmanı və qiymətli hədiyyələri ilə mükafatlandırıldılar.

 Yubiley yaşı tamam olan ittifaq üzvlərini rayonun təhsil ictimaiyyəti adından bir daha təbrik edir, onlara möhkəm sağlamlıq və gələcək fəailiyyətlərində uğurlar, xoş istirahət arzulayırıq.

“26 İyun-Azərbaycan Respublikasının Silahlı Qüvvələri Günü” münasibətilə atıcılıq üzrə İsmayıllı rayon turniri keçirildi.

25 iyun 2026-cı il tarixində İsmayıllı şəhər Heydər Əliyev adına istirahət parkında Dağlıq Şirvan Regional Gənclər və İdman İdarəsinin və Elm və Təhsil İşçiləri Həmkarlar İttifaqı İsmayıllı Rayon Komitəsinin birgə təşkilatçılığı ilə gənclərin çağırışaqədərki hazırlığı rəhbərləri arasında “26 İyun-Azərbaycan Respublikasının Silahlı Qüvvələri Günü” münasibətilə atıcılıq üzrə İsmayıllı rayon turniri keçirildi.

🇦🇿 Tədbir Ümummilli Lider Heydər Əliyevin və torpaqlarımızın azadlığı uğrunda canlarını fəda etmiş şəhidlərimizin xatirəsinin bir dəqiqəlik sükutla yad edilməsi ilə başlayıb. 

Qonaqlar arasında şəhid polkovnik-leytenant Ruslan Tağıyevin atası Fuad Tağıyev və şəhidimizin övladı iştirak edib.

🎯 Turnir ərzində iştirakçılar arasında gərgin və maraqlı mübarizə müşahidə olunub.

🤩Qaliblər təşkilatçılar tərəfindən diplom və medal və hədiyyələrlə təltif ediliblər.

Ali təhsil müəssisələrinə qəbul imtahanlarında 400 bal toplayan məzunla görüş keçirilib

Ali təhsil müəssisələrinə qəbul imtahanlarında 400 bal toplayan məzunla görüş keçirilib

-----

Dağlıq Şirvan Regional Təhsil İdarəsinin müdiri Ramin Abasov ali təhsil müəssisələrinə qəbul imtahanlarında III ixtisas qrupu üzrə maksimum nəticə – 400 bal toplayan İsmayıllı rayon Qalacıq kənd tam orta ümumtəhsil məktəbinin XI sinif məzunu Qardaşova Fidan Ceyhun qızı ilə görüşüb.

İsmayıllı rayonu üzrə təhsil sektorunda keçirilən görüşdə Dağlıq Şirvan Regional Təhsil İdarəsinin müdiri Ramin Abasov, müdir müavini Rahim Novruzov, İsmayıllı rayonu üzrə təhsil sektorunun müdiri Rəşid Məmmədov, Elm və Təhsil İşçiləri Həmkarlar İttifaqının İsmayıllı rayon komitəsinin sədri Hafiz Kərimov, İsmayıllı rayon Qalacıq kənd tam orta ümumtəhsil məktəbinin direktoru Rusan Qasımov iştirak ediblər.

Görüş zamanı Fidan Qardaşovanın əldə etdiyi yüksək nailiyyət xüsusi vurğulanıb, onun göstərdiyi əzmkarlıq, məqsədyönlülük və zəhmətkeşliyin digər şagirdlər üçün nümunə olduğu qeyd edilib. Eyni zamanda təhsil aldığı məktəbin pedaqoji kollektivinin və valideynlərinin bu uğurdakı rolu yüksək qiymətləndirilib.

Dağlıq Şirvan Regional Təhsil İdarəsinin müdiri Fidan Qardaşovanı təbrik edərək ona gələcək təhsil həyatında yeni uğurlar arzulayıb.

Görüşün sonunda Fidan Qardaşovaya fəxri fərman və qiymətli hədiyyələr təqdim olunub, xatirə şəkilləri çəkdirilib.

Bu gün ETİHİ İsmayıllı Rayon Komitəsinin üzv təşkilatı Şəhər 1 nömrəli uşaq bağçasında məktəbə hazırlıq qrupunun hesabat xarakterli " məzun günü" tədbiri keçirildi.

Bu gün ETİHİ İsmayıllı Rayon Komitəsinin üzv təşkilatı Şəhər 1 nömrəli uşaq bağçasında məktəbə hazırlıq qrupunun hesabat xarakterli " məzun günü" tədbiri keçirildi. 

Tədbirdə ETİHİ İsmayıllı Rayon Komitəsinin sədri Hafiz Kərimov ,şəhər uşaq bağçası nümayəndələri,1 nömrəli şəhər uşaq bağçası kollektiv üzvləri, hazırlıq qrupunun valideynləri iştirak etdilər. Məktəbəhazırlıq qrupunun kiçik fidanlarının ifasında təqdim olunan şeir, musiqi, rəqs nömrələri, kompozisiyalar valideynlərin və qonaqların marağına səbəb oldu.  

Sonda kiçik yaşlı məktəbəqədər uşaqların təlim tərbiyəsində fəallıq göstərən gənc tərbiyəçi müəllimlər ETİHİ Rayon Komitəsinin təşəkkürnamələri ilə təltif olundular.

"Şahin" hərbi-idman oyunlarında qalib olan komandamızın üzvlərinə və müəllimlərinə Azərbaycan Respublikasının Gənclər və İdman Nazirliyinin hədiyyələri təqdim edildi.

"Şahin" hərbi-idman oyunlarında qalib olan komandamızın üzvlərinə və müəllimlərinə Azərbaycan Respublikasının Gənclər və İdman Nazirliyinin hədiyyələri təqdim edildi. 

Mərasimdə Səfərbərlik və Hərbi Xidmətə Çağırış Dövlət Xidmətinin İsmayıllı şöbəsinin rəisi Xəqani Fərzəliyev, Dağlıq Şirvan Regional Gənclər və İdman İdarəsinin rəisi Taleh Salehov, İsmayıllı Rayon İcra Hakimiyyətinin əməkdaşı Nəsimi Teymurov, İsmayıllı Rayon Təhsil Sektorunun müdiri Rəşid Məmmədli, şəhid valideynləri, məktəblərin Hərbi hazırlıq rəhbərləri iştirak etdi. 

Komandanın üzvlərini və komandanı yarışa hazırlayan Hərbi hazırlıq rəhbərini təbrik etdik, hədiyyələrə görə Gənclər və İdman Nazirliyinin rəhbərliyinə təşəkkürümüzü bildirdik.

Xatırladaq ki, yarışda ETİHİ İsmayıllı rayon komitəsinin üzv təşkilatı Talıstan kənd tam orta ümumtəhsil məktəbin komandası III yerin qalibi olub. 

18 iyun 2026-cı il tarixində ETİHİ İsmayıllı Rayon Komitəsinin üzv təşkilatı N.Behdiyev adına 6 nömrəli tam orta ümumtəhsil məktəbinin kitabxanaçısı Əliyeva Dilşad Əlösət qızının 65 illik yubiley tədbiri keçirildi.

18 iyun 2026-cı il tarixində ETİHİ İsmayıllı Rayon Komitəsinin üzv təşkilatı N.Behdiyev adına 6 nömrəli tam orta ümumtəhsil məktəbinin kitabxanaçısı Əliyeva Dilşad Əlösət qızının 65 illik yubiley tədbiri keçirildi.

Tədbirdə DŞRTİ İsmayıllı Rayon Sektorunun müdiri Rəşid Məmmədli, ETİHİ İsmayıllı Rayon Komitəsinin mühasibi Musa Qədirov,kollektiv üzvləri iştirak etdilər.Çıxış edən natiqlər Dilşad müəllimənin səmimiliyi, kollektivin sevimlisi olması haqqında danışdılar və ona sağlam ömür arzuladılar. Yubiley yaşının tamam olması münasibətilə Dilşad müəlliməni ETİHİ Rayon Komitəsinin fəxri fərmanı və qiymətli hədiyyəsi ilə mükafatlandırıldı. 

 Dilşad müəlliməni yubiley yaşının tamam olması münasibətilə rayonun təhsil ictimaiyyəti adından təbrik edirik, ona möhkəm sağlamlıq ,və gələcək fəaliyyətində uğurlar arzulayırıq.

Topçu kənd tam orta ümumtəhsil məktəbinin direktor müavini İzzət Şirəliyev və mühasib Malik Seyidovun 60 illik yubiley qeyd edildi.

13.06.2026-cı il tarixində ETİHİ İsmayıllı Rayon Komitəsinin ilk təşkilatı olan Topçu kənd tam orta ümumtəhsil məktəbinin direktor müavini İzzət Şirəliyev və mühasib Malik Seyidovun 60 illik yubiley qeyd edildi.

Təhsil Sektorunun müdiri Rəşid Məmmədov və Rayon Komitəsinin sədri Hafiz Kərimov təbrik edərək, təhsil sahəsindəki xidmətlərinə görə Fəxri fərman və qiymətli hədiyyələr ilə təltif etdilər. 

Gələcək fəaliyyətlərində uğurlar arzulayırıq.

15 iyun 2026-cı il tarixində ETİHİ İsmayıllı Rayon Komitəsinin üzv təşkilatı İsmayıllı şəhər 5 nömrəli tam orta ümumtəhsil məktəbin müəllim kollektivi ETİHİ Rayon Komitəsinin təşkilatçılığı ilə Şuşa şəhərinə səfər etmişdir.

15 iyun 2026-cı il tarixində ETİHİ İsmayıllı Rayon Komitəsinin üzv təşkilatı İsmayıllı şəhər 5 nömrəli  tam orta ümumtəhsil məktəbin müəllim kollektivi ETİHİ Rayon Komitəsinin təşkilatçılığı ilə Şuşa şəhərinə səfər etmişdir.

Səfər çərçivəsində iştirakçılar Qarabağın təbiətcə zəngin, tarixi keçmişi olan Xankəndi və Əsgəran şəhərlərini , ölkəmizin dilbər guşəsi olan Şuşa şəhərinin tarixi və mədəni məkanlarını ziyarət etmiş, zəngin mədəniyyət abidələri və həyata keçirilən quruculuq işləri ilə yaxından tanış olmuşlar.

Bu səfər kollektiv üzvlərinin vətənpərvərlik ruhunun daha da gücləndirilməsi, milli-mənəvi dəyərlərimizin təbliği və həmkarlar arasında birliyin möhkəmləndirilməsi baxımından mühüm əhəmiyyət daşımışdır.

Şuşa şəhərinə təşkil olunan ekskursiyadan əldə olunan xoş təəssüratlar iştirakçıların yaddaşında unudulmaz xatirə kimi qalacaqdır.Bu səfərin təşkilində göstərdiyi dəstəyə görə ETİHİ Respublika Komitəsinə təşəkkürümüzü bildiririk. 

Şəhidlərimizin ruhu qarşısında baş əyirik,qazilərimizə can sağlığı arzu edirik.

İsmayıllı təmsilçiləri XXIX “Şahin” hərbi-idman oyununun final mərhələsində uğur qazanıblar.

İsmayıllı təmsilçiləri XXIX “Şahin” hərbi-idman oyununun final mərhələsində uğur qazanıblar.

Milli Qurtuluş Gününə həsr olunmuş XXIX “Şahin” hərbi-idman oyununun final mərhələsində İsmayıllını təmsil edən komanda yüksək nəticə göstərərək III yerə layiq görülüb.

Bu uğur münasibətilə komandanın üzvlərini, onların müəllim və məşqçilərini səmimi qəlbdən təbrik edir, gələcək fəaliyyətlərində yeni nailiyyətlər arzulayıram.

Gənclərimizin əldə etdiyi bu nəticə onların vətənpərvərlik ruhunun, əzmkarlığının və hazırlığının göstəricisidir. İnanıram ki, onlar bundan sonra da İsmayıllını yeni uğurlarla təmsil edəcəklər.

İsmayıllı gəncləri ilə qürur duyuruq!